திருமண நாள் வாழ்த்துக்கள்

நித்தமும் கதை பேசி 

நிதமும்  பகிர்ந்துண்டு 

இன்றைக்கு வாழ்ந்து 

நாளைக்காய் சேமித்து 

சுவைக்காக சண்டையிட்டு 

அளவு மீற மண்டியிட்டு 

ஒன்றாய் உறங்கி 

ஒய்யாரமாய் ஊர் சுற்றி 

பிடித்தவற்றை உண்டு 

படித்தவற்றை போற்றி 

நல்லவை நாடி 

நரை தேடி 

நண்பர்களாய் வாழும் 

தம்பதியருக்கு 

திருமண நாள் 

மற்றுமொரு 

நாளே..

திருமண நாள் வாழ்த்துக்கள் 

ப்ரியா.. 

கண்மணிகளுக்கு பிறந்த நாள் ..

 என் கண்மணிகளுக்கு பிறந்த நாள் 

கண்ணே 

கவியே 

நான் வடித்த ஓவியமே 

பெண்ணே 

பிறையே 

எனை பித்தாக்கும் 

அற்புதமே..

ஒளியே 

விழியே 

எனை  உடைக்கும் 

சிலையே 

வரமே 

வாழ்வே 

எனை மாற்றும் 

மாயாவியே 

உன்னை 

சரணடைந்து 

உனக்காக வாழும் 

பெறுவாழ்வில் 

ஏது 

போதாமைகள்..

பிறந்த நாள்  வாழ்த்துக்கள் 

இயல்  இசை 

வயசு

எல்லாவற்றையும் 

வரையறுத்துக்கொண்டே 

முன்னேறுகிறது 

வயசு..

வயதின் எண்கள் 

உயர உயர 

வார்த்தைகளில் 

வரிகள் சுருங்கிக்கொண்டே 

போகிறது..

வயதின் எந்த 

இடத்தில்  நின்று 

பார்த்தாலும் 

முந்தைய வயதுகளின் 

முட்டாள் தனங்களே 

முன் நிற்கின்றன..

தங்கி விடுதல் 

எந்த வயதிலும் 

தாக்கி விடுகிறது..

பெரும்பாலும் 

அறிவிற்கு வயதில்லை 

வயதிர்ற்கு அறிவில்லை