சூழலில் சுவாரஸியம்..

கண்களை கசக்கிகொண்டே, பீர் குடித்துக்கொண்டிருந்த கூட்டத்தில் ஆரஞ்சு ஜூசை வைத்திருந்த அப்பா ஹமீதை ஏறிட்டான் ஐந்து வயது மகன் சாதிக்.

யாருப்பா  கடவுள்?  குழந்தை மொழியை கேட்ட மாத்திரத்தில், கூட்டத்திலிருந்த ஜோசப்பும், ராமுவும்  பீர் பாட்டிலை ஸ்லோ மோஷனில் இரக்க, அப்பா ஹமீது தொடர்ந்தார். 

அப்பாதான் ஆல்ரெடி சொல்லியிருக்கேனே செல்லம்.. ஏன் திடீர்னு கேக்குறிங்க?..

சாதிக் (கூட்டத்திலிருந்த இன்னொரு பொடியனை கைகாட்டி..)  இல்லப்பா.. தாமஸ் சொல்றான் ஜீசஸ்தான் கடவுள்னு..

மகன் பெயர் கேட்டவுடன் அப்பா ஜோசப் ஆஜராக,  சிக்கனை கடித்துக்கொண்டே சூழலில் சுவாரசியமானான்  ராம்..

விளையாட தயாரானான் சாதிக்.. விடைபெற தயாரானார் ஹமீது..

Religion teaches you to be satisfied with non-answers. It's a sort of crime against childhood. Richard Dawkins

தவளை தன் வாயாற் கெடும்.....

உன் wife கிட்ட சொல்லிட்டியா ?

சொல்லிட்டேன்.. ஏன்டா ?

உன் wife க்கு எதுக்குடா  அவனைப்பத்தி தெரியணும்..

                         மனைவியிடம் தன் தவறுகளை குறைப்பதற்கு 
                         நண்பனின் தவறுகள் விளம்பரப்படுத்தப்படும்..

wife கிட்ட ஷேர் பண்றதுல என்னடா தப்பு?

சரி தப்புக்கில்லடா.. தேவையா இல்லையாங்கிறதுதான்...

                          எல்லா தேவைகளும் சரியல்ல
                          எல்லா சரிகளும் தேவையில்லை

என்ன.. உன்ன விட அவ சரியா முடிவு எடுப்பா மச்சி..
நீ  Freeya விடு...

                         எதார்த்தம் தெரியாம கருத்து பேசுறதும்
                         எல்லாருக்குமே advice பண்றதும் 
                          மொத்தத்துல மொக்கையாதான் முடியும்.. 

நட்பை மகிழ்ந்த தருணங்கள்..

நீண்ட நெடுங்காலமாய் ஒன்றாய் பயணித்து

நின்று நினைக்கும்போதெல்லாம்..

நினைவில் மின்னலடிக்கும் 

உன்னை பற்றிய ஒவ்வொரு 

தருணங்களும்..

நான்..

நட்பை மகிழ்ந்த தருணங்கள்..

#கால்கடுக்க நின்று 

பேசியதையே திரும்ப பேசி 

விடைதெரியாமல் வீடு திரும்பிய 

ஒவ்வொரு நாட்களும்..

#வேலை வேண்டி 

வெள்ளிங்கிரி மலை வரை நடந்து 

திரும்பும் போது வண்டியின் 

பில்லியனில் உறங்க..

திடீரென்று வண்டியை நிறுத்தி 

இடுப்பை கட்டிக்கொண்டு உறங்க சொன்ன 

வார்த்தைகளில்..

#ஒன்றாய் தங்கி

ஊர் ஊராய் சுற்றி 

வேலைக்காக படித்து 

ஏசிக்காக தியேட்டர் சென்று 

இளைப்பாறிய தருணங்களில்..

#கல்லூரி கேண்டீனில் 

மோர் குழம்பு நாலன்று

முண்டியடித்து முயன்று 

ஒரே தட்டை இருவரும் பகிர்ந்து 

பசியாறிய ஒவ்வொரு மதியமும்..

#கைபிடித்து கண்ணீர்விட்டு 

கடைசியாய் பிரிகிறோம் என்று 

கல்லூரியில் சொன்ன தோழியின் குறளை 

வாட்ஸ்அப்பில்  வாழ்த்துக்களாய்  

படிக்கும் தருணங்களில்..

#வேலையில் சேர்ந்து 

கையில் பணம் இல்லாமல் 

பிறந்தநாளுக்கு 

பண்ணும் உறுகாயும் 

பரிசளித்து பாட்டுப் பாடிய 

நிமிடங்களை நினைக்கும் போதெல்லாம்..

#ஒன்றாய் வேலை செய்கையில் 

Break என்று வார்த்தை கேட்டவுடன் 

ALT + CNTL + DELETE  பட்டனை 

அழுத்தும் உன் விரல்களை 

பார்க்கும் போதெல்லாம்..

#என்னை பற்றிய அவதூருகளை 

நீ என்னிடம் சொல்லும்போதும்..

அதை மறுத்து பிறரிடம் சொல்லும்போதும்..

#வேலை முடிந்து வீடு திரும்பையில் 

யாருமில்லாத ரோட்டில் 

ஒன்றாய் இரண்டு வண்டியின் 

தேர் பயணத்தில்..

நடுவே குடித்த தேநீர் ருசியில்..

#உன் குடும்பத்துடனான   

close friend  என்ற 

அறிமுகத்தில்..

#சந்தோசத்தை பகிர்ந்து 

இரடிப்பாய் உணர்ந்த  தருணங்களும் 

துக்கத்தை பகிர்ந்து 

லேசாய் உணர்ந்த தருணங்களும்..

#இப்பட்டியல் நீள 

உங்களுடன் தொடர்ந்து பயணிக்க எத்தனிக்கும் 

ஆசையுடன் ...   

நண்பர்கள் தின வாழ்த்துக்கள் 

பிறந்தநாள் வாழ்த்துக்கள்...

எப்படித்தான் பிரசவிக்கிறதோ
உன்
பிறந்த நாளுக்கு மட்டும்..
இதயங்களில் இணைந்து
கைவழியே பிறக்கும்
என் கவிக்குழந்தை...

அதிகாலை பனித்துளி

பூக்களை முத்தமிட்டு 

புல் நுனியில் தவமிருப்பது போல..

கவிதையில் வாழ்த்திவிட்டு 

காத்திருக்கிறேன் நான்...

வா..
நீ பிறந்த இந்நாளை..
நம் சுதந்திரதினமாய் கொண்டாடுவோம்..

பிறந்தநாள் வாழ்த்துக்கள்..

அம்மா..

என்ன எழுத என் தாய் பற்றி..
அன்பின்
எல்லா வார்த்தைகளையும்
கேள்வி கேட்கும்
அறிவிற்கு முன்னால்..

முயன்று..

மீண்டும் முயன்று..

அன்பின் தொடர் முயற்சியின்
இறுதியில்
தோல்வியை ஒப்புக்கொண்டது
அறிவு.

அறிவு  - நான்
அன்பு  - அவள்..

அம்மா...

எழுத்தின் சினம்..

குத்திக் கிழித்து..
கூறுபோட்டு..
குறி அறுத்து..
அறுத்த ரத்தம் குடிக்கவைத்து..
உயிர் மட்டும் விட்டு..
ஒவ்வொன்றாய் வெட்டி..
எலும்பு நொறுக்கி
மயிர் கொழுத்தி..
தலையறுத்தும் தீராது.
வன்புணர்வாளர்களை வாசிக்கும் போதெல்லாம்
எழுதிக்கொல்ல நினைக்கும் என் எழுத்தின் சினம்..

பிறந்த நாள் வாழ்த்துக்கள்

கூகுளின் கடைசி பக்கம் வரை
தேடியும் கிடைக்காததால்
உன் பிறந்த நாளுக்கான கவிதையாய்
உன் பெயர் மட்டும்...

பிறந்த நாள் வாழ்த்துக்கள்  ப்ரியா